ოთხშაბათი, 19.12.2018, 17:22
gtxovt gaiarot "REGISTRACIA"
მთავარი | რეგისტრაცია | შესვლა
საიტის მენიუ
სიახლეების განყოფილება
ისტორია [2]
ვიდეოები [18]
სურათები [3]
ჰიმნები [1]
ფილმები [1]
ბიოგრაფია [1]
შემოთავაზებები ადმინისგან [2]
მინი-ჩათი
მთავარი » 2008 » მაისი » 5 » გიგზი მწვრთნელობაზეც ფიქრობს
გიგზი მწვრთნელობაზეც ფიქრობს
00:07
34 წლის რაიან გიგზი ”მანჩესტერ იუნაიტედისთვის” შეუცვლელი მოთამაშეა. მიმდინარე წლებში ისევე, როგორც წინა წლებში გუნდის უკლებლივ ყველა შემადგენლობაში მიიღო მონაწილეობა და ახლა ”მანჩესტერთან” ერთად ჩემპიონთა ლიგის ფინალისთვის ემზადება. რაიან გიგზი გულშემატკივართა შეკითხვებს პასუხობს.

როგორ შეძლო ”მანჩესტერმა” თქვენი გადაბირება? მართალია, რომ ფერგიუსონი ორჯერ გესტუმრათ შინ?
- მართალია. ორი წელი ვცხოვრობდი მანჩესტერში და ფერგიუსონის გუნდის თავგადაკლული ქომაგი ვიყავი. როცა დამიკავშირდა და მიმიწვია ისე დავიბენი, რომ მაშინვე ვერ ვუპასუხე.

რა ცვლილებები მოხდა მას შემდეგ ფეხბურთში რაც პროფესიულ დონეზე დაიწყეთ თამაში?
- ბევრად გაიზარდა ფეხბურთელთა სიჩქარე. მედია უფრო კრიტიკული და ყურადღებიანი გახდა. დანარჩენი დეტალები უმნიშვნელოდაა შეცვლილი.

რა თვისებები უნდა ჰქონდეს დამწყებ ფეხბურთელს თქვენნაირ წარმატებას, რომ მიაღწიოს?
- ერთადერთი რაც წარმატებას განაპირობებს მუდმივი ვარჯიშია და მწვრთნელის მითითებების შესრულება. ამასთანავე ფეხბურთელი ვალდებულია ცხოვრების ჯანსაღ წესს მისდევდეს მოედანს მიღმაც. უნდა დაამტკიცოს, რომ ნებისმიერი კონკრეტული თამაში მისთვის ყველაზე მნიშვნელოვანია.

ბევრი ვარსკვლავის გვერდით გითამაშიათ, რომელი მათგანი დაგამახსოვრდათ ყველაზე მეტად?
- არასდროს დამავიწყდება ერიკ კანტონას გვერდით თამაში. ის ყოველთვის პრობლემის გამარტივებას ცდილობდა და მისი განწყობა გადამდები იყო. მის მოსვლამდე ძლივს ვახერხებდით ქულების მოპოვებას, მისი მოსვლის შემდეგ, გოლების გატანა ჩვენთვის პრობლემას აღარ წარმოადგენდა.

ვინ არის თანამედროვე ფეხბურთში საუკეთესო?
- კრიშტიანუ რონალდუ, რომელიც საბედნიეროდ ”მანჩესტერში” თამაშობს. ის ისეთ სასწაულებს ახდენს მოედანზე, მეეჭვება ასეთი რამ სხვამაც შესძლოს.

მოედნის მიღმა ვინ იმსახურებს თქვენ სიმპატიას?
- ნელსონ მანდელა. რამდენჯერმე შევხვედრივარ მას და ფეხბურთზეც ბევრი რამ იცოდა და ჩემი თამაშიც ნანახი ჰქონდა.

რომელი მატჩია თქვენთვის დაუვიწყარი?
- სადებიუტო მატჩები ”მანჩესტერში” და უელსის ეროვნულ ნაკრებში.

დღევანდელი ”მანჩესტერი” თუ არის 1999 წლის ”მანჩესტერზე” ძლიერი, რომელმაც პრემიერლიგა, ინგლისის თასი და ჩემპიონთა ლიგა მოიგო?
- როცა ვადარებ, ვგრძნობ, რომ ერთნაირად ძლიერი გუნდებია. თუმცა მაშინდელთან შედარებით ახლა მეტი ახალგაზრდა თამაშობს, რომლებიც კარგად შეეწყვნენ ძველებს. სეზონის ბოლოს უკეთ გამოჩნდება ვგავართ თუ არა 1999 წლის ”მანჩესტერს”.

როგორ ახერხებს გუნდი სეზონიდან სეზონამდე ხარისხის შენარჩუნებას?
- პირველ რიგში თითოეული ფეხბურთელის მოტივაციის ხარჯზე. ამასთანავე არ დაგავიწყდეთ, რომ შექმნის დღიდან ”მანჩესტერს” მაღალი რანგის მოთამაშეები და მწვრთნელები ყავს.

თქვენ ანგარიშზე ბევრი გოლია. პირადად თქვენ რომელს გამოყოფდით?
- ინგლისის თასის ფინალში ”არსენალის” კარში გატანილ გოლს. მაშინ სწორედ 1999 წლის ”მანჩესტერი”ვიყავით.

”მანჩესტერის” მერე რომელიმე საშუალო დონის გუნდში ხომ არ აპირებთ გადასვლას?
- არა მგონია. მინდა ”ოლდტრეფორდზე” დავასრულო კარიერა.

არც მწვრთნელობას აპირებთ?
- ჯერჯერობით მხოლოდ თამაშზე და პრემიერლიგისა და ლიგის მოგებაზე ვფიქრობ. ისე მწვრთნელობაზე არაერთხელ მიფიქრია, მით უმეტეს, რომ ”იუნაიტედის” ბავშვთა გუნდთან მომიწია ერთხელ მუშაობამ და ძალიან მომეწონა.

ნანახია: 420 | დაამატა: manchesteri | რეიტინგი: 0.0/0 |
სულ კომენტარი: 0
სახელი *:
Email *:
კოდი *:
შესვლის ფორმა
სიახლეების კალენდარი
«  მაისი 2008  »
Пнსამოთხხუთპარშაბკვ
   1234
567891011
12131415161718
19202122232425
262728293031
ძებნა
საიტის მეგობრები
  რომას ფან საიტი

fifa.moy.su
IP Top on A-Z.az
სტატისტიკა
Copyright MyCorp © 2018 Free web hosting - uCoz