“მანჩესტერ იუნაიტედის” კაპიტანი გარი ნევილი თვლის, რომ “წითელ ეშმაკუნებს” შეუძლიათ წელს “დუბლი” მიითვალონ, თუ მოიგებენ ინგლისის პრემიერლიგას და ჩემპიონთა ლიგას ერთად.
“ეხლა ყველაფერი ჩვენს ხელთაა. ყველას გვეწყინა “ჩელსისთან” წაგება, მაგრამ თუ ვინმე გვეტყოდა სეზონის დაწყებისას, რომ ჩემპიონატის მოგებისთვის აუცილებელი იყო შინ “ვესთ ჰემის”, ხოლო გასვლაზე “უიგანის” დამარცხება, მათ არ დავუჯერებდით. ჩვენ თავდაჯერებულობა შეგვმატა ჩემპიონთა ლიგაში გასვლამ”, – თქვა გარიმ.
“ეხლახან სეზონის რეალურად რთული მონაკვეთი გავიარეეთ, რომელშიც მატჩები ყოველ 3–4 დღეშია და ბიჭებმაც რამდენიმე ტრავმა მიიღეს. ბოლო თამაშებში ჩვენ ქულებს დიდი ძალისხმევით ვიღებდით. შემდეგი მატჩი შაბათს “ვესთ ჰემთან” გველის, შემდეგ რვა დღე გვაქვს “უიგანთან” შეხვედრამდე, ამის მერე კი ათ დღეში ჩემპიონთა ლიგის ფინალი “ჩელსისთან”.
“გასულ სეზონში “ვესთ ჰემმა” ოლდ ტრაფორდზე გაიმარჯვა, მაგრამ იმ დროისთვის ჩემპიონატი უკვე მოგებული გვქონდა. ამჟამად კი ბრძოლა ტიტულისთვის გრძელდება, ასე რომ ამ შეხვედრაში ლონდონელებს გაუჭირდებათ. ამის გარდა, წელს ჩვენ კარლოს ტევეზი გვყავს, მათ კი აღარ. უახლოესი ორი კვირა ჩემპიონატში უმნიშვნელოვანესია და თუნდაც თეორიულად ყველაფერი მარტივი გეჩვენებათ, ჩვენ კიდევ ვგრძნობთ წნევას. მთელი სეზონის განავლობაში მტკიცედ ვმუშაობდით და ეხლა უნდა დავრწმუნდეთ, რომ შრომა წყალში არ ჩაგვეყრება”, – განაცხადა ნევილმა.

პორტუგალიის ფეხბურთელთა ეროვნული ნაკრებისა და ინგლისის “მანჩესტერ იუნაიტედის” თავდამსხმელი კრიშტიანუ რონალდუ, მწერალმა ჟურნალისტებმა პრემიერლიგის საუკეთესო ფეხბურთელად აღიარეს.
ამის შესახებ, ბრიტანული სპორტული ინტერნეტ-გამოცემა Sky Sports-ი იუწყება.
მისთვის განკუთვნილ ჯილდოს რონალდუ 15 მაისს მიიღებს.
პორტუგალიელს მსგავსი პატივი წილად გასულ წელსაც ხვდა.
ზედიზედ ორჯერ საუკეთესოდ, ბოლოს ინგლისელმა ჟურნალისტებმა ლონდონის “არსენალის” ექს-ფორვარდი ფრანგი ტიერი ანრი მიიჩნიეს.

ჟურნალმა Forbes-მა, ზედიზედ მეორე წელია, ინგლისის “მანჩესტერ იუნაიტედი” მსოფლიოს ყველაზე ძვირადღირებულ კლუბად დაასახელა.
ამის შესახებ, სააგენტო Reuters-ი იუწყება.
მანჩესტერული კლუბი 1,8 მილიარდ დოლარად არის შეფასებული, რაც შარშანდელ მაჩვენებელთან შედარებით 25 პროცენტით მეტია.
 orbes-ის შეფასებით, მსოფლიოს ყველაზე შემოსავლიანი ფეხბურთელი, “ლოს-ანჯელეს გელექსის” ინგლისელი ნახევარმცველი დევიდ ბექჰემია, რომელიც წელიწადში 49 მილიონ დოლარს გამოიმუშავებს.
მსოფლიოს ყველაზე ძვირადღირებული კლუბების პირველი ათეული ასე გამოიყურება:
1. “მანჩესტერ იუნაიტედი” (ინგლისი) – 1,8 მილიარდი დოლარი
2. “რეალი” (ესპანეთი) – 1,285 მილიარდი დოლარი
3. “არსენალი” (ინგლისი) – 1,2 მილიარდი დოლარი
4. “ლივერპული” (ინგლისი) – 1, 05 მილიარდი დოლარი
5. “ბაიერნი” (გერმანია) – 917 მილიონი დოლარი
6. “მილანი” (იტალია) – 798 მილიონი დოლარი
7. “ბარსელონა” (ესპანეთი) – 784 მილიონი დოლარი
8. “ჩელსი” (ინგლისი) – 764 მილიონი დოლარი
9. “იუვენტუსი” (იტალია) – 510 მილიონი დოლარი
10. “შალკე” (გერმანია) – 470 მილიონი დოლარი

გუშინ, ჩემპიონთა ლიგის ნახევარფინალის განმეორებით შეხვედრაში “ბარსელონასთან”, “მანჩესტერ იუნაიტედის” ჰოლანდიელმა მეკარე ედვინ ვან დერ სარმა, ევროპის ყველაზე პრესტიჟულ საკლუბო ტურნირში მე-100 შეხვედრა ჩაატარა.
ამის შესახებ, რუსული სპორტული გამოცემა “სპორტ-ექსპრესი” იუწყება.
37 წლის მეკარე კარიერის განმავლობაში “მანჩესტერ იუნაიტედის” გარდა, ამსტერდამის “აიაქსის”, ტურინის “იუვენტუსისა” და ინგლისის “ფულჰემის” ღირსებას იცავდა.
ვან დერ სარის მსგავსად, ჩემპიონთა ლიგაში 100 შეხვედრა კიდევ სამმა ჰოლანდიელმა ფეხბურთელმა - კლარენს ზეედორფმა, ფრანკ დე ბურმა და ფილიპ კოკუმ ჩაატარეს.

ინგლისის “მანჩესტერ იუნაიტედის” მთავარმა მწვრთნელმა სერ ალექს ფერგიუსონმა, ჩემპიონთა ლიგის ნახევარფინალის განმეორებით შეხვედრაში “ბარსელონას” 1:0 დამარცხების შემდეგ განაცხადა, რომ მისთვის მნიშვნელობა არ აქვს, ვინ ეყოლება მეტოქედ ფინალში, რომელიც 21 მაისს მოსკოვში გაიმართება.
ამის შესახებ ფერგიუსონმა უეფას ოფიციალურ საიტს განუცხადა, მე-2 ფინალისტის ვინაობა კი ლონდონში დღეს, “ჩელსისა” და “ლივერპულის” შეხვედრის შემდეგ გაირკვევა. პირველი მატჩი ლივერპულში ფრედ 1:1 დასრულდა.
“არანაირი მნიშვნელობა არა აქვს იმას, თუ ვინ შეგვხვდება ფინალში. მთავარია, რომ ჩვენ იქ ვითამაშებთ და ვფიქრობ, დამსახურებულადაც” - თქვა ფერგიუსონმა.
მანჩესტერელთა მწვრთნელი მიიჩნევს, რომ მისმა გუნდმა “ბარსელონასთან” ფანტასტიკური თამაში აჩვენა და დიდებული გუნდი დაამარცხა.
“ფინალში გასვლამ ძლიერ გამახარა, ფანტასტიკური თამაში ვაჩვენეთ და მიუხედავად ხანგრძლივი საღამოსი, უმაღლესი კლასის ფეხბურთელებით დაკომპლექტებული დიდებული კლუბი დავამარცხეთ. საკუთარი კარის უსაფრთხოებაზე ზრუნვამ მოგვიწია და ეს მოვახერხეთ კიდეც. თავს კარგად ვიცავდით და გოლის გატანის შანსიც გვქონდა.
მომეჩვენა, რომ პირველ ტაიმში ფეხბურთელები ნერვიულობდნენ, მატჩის დებიუტში კი ლამის მესის მსხვერპლი გავხდით. მე-2 ტაიმში უფრო დამაჯერებლად ვმოქმედებდით. დასკვნით 15 წუთში იძულებული ვიყავით მეტოქის შეტევები მოგვეგერიებინა, მაგრამ ამას საიმედოდ ვაკეთებდით. პოლ სქოულზმა კი მართლაც რომ ფანტასტიკური გოლი გაიტანა” - აღნიშნა ფერგიუსონმა.

ჩემპიონთა ლიგის პირველი ფინალისტი ინგლისური “მანჩესტერ იუნაიტედი” გახდა, რომელმაც ესპანურ “ბარსელონასთან” საგარეო ფრის შემდეგ, “ოლდ ტრაფორდზე” პოლ სქოულზის გოლის წყალობით, მეტოქეს 1:0 სძლია.
ტრავმირებული უეინ რუნის გარეშე მოთამაშე მანჩესტერელებმა სათამაშო სივრცე ამჯერადაც კატალონიელბს დაუთმეს, თუმცა, საკუთარი საჯარიმოს მისადგომებთან ისეთი კედელი ააშენეს, სტუმრებს ხეირიანი საგოლე მომენტი არც მისცემიათ.
სქოულზმა გადამწყვეტი ბურთი იტალიელი ჯანლუკა ძამბროტას შეცდომის შემდეგ ულამაზესი დარტყმით გაიტანა და “იუნაიტედს” 21 მაისს, მოსკოვში გასამართი ფინალის საგზური დაუბევა.
მეორე ფინალისტის ვინაობა 30 აპრილს ლონდონის “ჩელსისა” და “ლივერპულის” შეხვედრაში გაირკვევა. ამდენად, ლიგის ფინალი წმინდა ინგლისური იქნება.

ჩემპიონთა ლიგის ნახევარფინალი
მანჩესტერი (ინგლისი) – ბარსელონა (ესპანეთი) 1:0 (1:0)
პირველი მატჩი 0:0
 ანჩესტერი: ვან დერ სარი, ევრა (სილვესტრი, 93), ფერდინანდი, ბრაუნი, სქოულზი (ფლეტჩერი, 77), ნანი (გიგზი, 77), პარკი, კერიკი, რონალდუ, ჰარგრივზი, ტევესი.
მწვრთნელი: ფერგიუსონი.
ბარსელონა: ვალდესი, ძამბროტა, პუიოლი, მილიტო, აბიდალი, ინიესტა (ანრი, 61), ხავი, ტურე (გუდიონსენი, 88), დეკუ, ეტო’ო (კრკიჩი, 72), მესი.
მწვრთნელი: რაიკაარდი.
გოლი: სქოულზი (14).
 აფრთხილება: ძამბროტა (52), დეკუ (54), კერიკი (63), რონალდუ (68), ტურე (70).
მსაჯი: ფანდელი (გერმანია).

სტადიონი : ოლდ ტრაფორდი
 ემპერატურა : +10 გრადუსი
ამინდი : ღრუბლიანი

არბიტრი : ჰერბერტ ფანდელი (გერ) (დამხმარე მსაჯები : კარსტენ კადაჩი (გერ) , ვოლკერ ვეზელი (გერ). )

მანჩესტერი : ვან დერ სარი , ევრა, ჰარგრეივსი, ფერდინანდი, ბრაუნი, რონალდო, პარკი, რაკიქი, ნანი, სქოულზი, ტევესი.

ბარსელონა : ვალდესი, მილიტო, პუიოლი, ჰავი, ინიესტა, ეტოო, ძამბროტა, მესი, დეკო, აბიდალი, იაია ტურე.





კარისკენ გუნდებმა საერთო ჯამში 20 ჯერ დაარტყეს. 7 ჯერ მანჩესტერელებმა 13 ჯერ ბარსელონის ფეხბურთელებმა.

საერთო ჯამში 30 წესების დარღვევა.18 ჯერ დაარღვიეს მანჩესტერის ფეხბურთელებმა, ხოლო ბარსელნას ფეხბურთელებმა 12 ჯერ.

5 კუთხური მთელი მატჩის განმალობაში. 4 ჯერ მოაწოდეს მანჩესტერელებმა, და მხოლოდ და მხოლოდ ერთხელ ბარსელონას ფეხბურთელებმა.

ბურთის ფლობის სტატისტიკა : 42 % - 58 % ზე. ბარსელონას სასარგებლოდ

საფეხბურთო კლუბ კატალონიის "ბარსელონას" მთავარი მწვრთნელმა ფრანკ რაიკაარდმა წაგებული ნახევარფინალური მატჩის შემდეგ, პრესკონფერენციაზე განაცხადა, რომ არ აპირებს გუნდის დატოვებას და სურს მუშაობის გაგრძელება ესპანურ კლუბში. გთავაზობთ მის კომენტარს:

"დღევანდელ მატჩში ჩვენ გავაკეთეთ ყველაფერი გარდა გოლის გატანისა. თამაში იყო თანაბარი. მე შემიძლია ასევე ვთქვა, რომ ჩემი გუნდი მეტად კარგად მანევრირებდა მოედანზე. ბურთს უფრო მეტად ჩვენ ვფლობდით ვიდრე მეტოქე. მე შესაძლებელია წავიდე სეზონის ბოლოს, მაგრამ მის დამთავრებამდე გუნდის კარის გაჯახუნებას არ ვაპირებ. მე ვრჩები ჩემ პოსტზე. თავში არც კი მომსვლია ის აზრი, რომ თამაშის დამთავრების შემდეგვე დავტოვებდი თანამდედობას. ახალ ჩვენთვის მეტად მძიმე პერიოდია. მაგრამ ჩვენ უნდა გამოვიჩინოთ ხასიათი და არ დავნებდეთ. ჩემპიონთა ლიგის მოგება ადვილი არ არის. ჩვენ გავაკეთეთ რასაკვირველია ყველაფერი იმისთვის, რათა თუნდაც ფინალში გვეთამაშა, თუმცა ეს არასაკამრისი გამოდგა."

ინგლისის “მანჩესტერ იუნაიტედის” მცველი უესლი ბრაუნი დარწმუნებულია, რომ მისმა გუნდმა ჩემპიონთა ლიგის ნახევარფინალის განმეორებით მატჩში, ესპანური “ბარსელონა” 1:0 დამსახურებულად დაამარცხა და ფინალში თამაშის უფლებაც ღირსეულად მოიპოვა.
ბრაუნმა უეფას ოფიციალურ საიტს განუცხადა, რომ მას მოსკოვში გასამართ ფინალურ მატჩშიც წარმატების იმედი აქვს.
“სტუმრად დაცვითი ფეხბურთი ვითამაშეთ, თუმცა, საკუთარ “ოლდ ტრაფორდზე” ყველას ვაჩვენეთ, რომ კარგი ფეხბურთის თამაშიც შეგვიძლია. ჩვენს მიერ გატანილი გოლის შემდეგ, მოწინააღმდეგე ჩვენზე ზეწოლას ახდენდა, მაგრამ ამას გავუძელით. ორივე მატჩი ბრწყინვალედ ჩავატარეთ და ფინალში გასვლა დავიმსახურეთ. ამის გაკეთებას უკვე 9 წელია ვცდილობთ და როგორც იქნა, მიზანს მივაღწიეთ. გულშემატკივარი ფანტასტიკურად გვიჭერდა მხარს და მათი გაწბილების უფლება არ გვქონდა. იმედია, საკუთარი შესაძლებლობების მაქსიმუმს მოსკოვშიაც გამოვავლენთ” - თქვა ბრაუნმა.