ინგლისურ კლუბებს - “მანჩესტერ იუნაიტედისა” და “ჩელსის” შორის ჩემპიონთა ლიგის ფინალური მატჩის განსჯა, უეფამ 40 წლის სლოვაკ არბიტრ ლუბოშ მიხელს მიანდო.
როგორც უეფას ოფიციალური ინტერნეტ-გვერდი იტყობინება, მიხელს ასისტენტობას მისივე თანამემამულეები, რომან სლისკო და მარტინ ბალკო დაეხმარებიან, ხოლო სარეზერვო მსაჯის ფუნქციებს ვლადიმირ ჰრინაკი შესრულებს.
ჩემპიონთა ლიგის ფინალური მატჩი ოთხშაბათს, 21 მაისს, მოსკოვში სტადიონ “ლუჟნიკებზე” გაიმართება.
ლუბოშ მიხელი 2003 წელს, პორტუგალიურ “პორტუსა” და შოტლანდიურ “სელტიკს” შორის, უეფას თასის ფინალურ შეხვედრას მოემსახურა.

ინგლისის “მანჩესტერ იუნაიტედის” ფრანგი მცველი პატრის ევრა თვლის, რომ გუნდის მთავარი მწვრთნელი სერ ალექს ფერგიუსონი, ჩემპიონთა ლიგაში კიდევ ერთხელ გამარჯვებას იმსახურებს.
ამის შესახებ, საფეხბურთო ინტერნეტ-გამოცემა Goal-ი იუწყება.
“ვფიქრობ, ასეთი დონის მწვრთნელი, ჩემპიონთა ლიგის მეორედ მოგებას იმსახურებს. ჩვენ შევეცდებით მისი გულისთვის ბოლომდე დავიხარჯოთ, რადგან ფერგიუსონმა “მანჩესტერ იუნაიტედისთვის” ძალიან ბევრი გააკეთა”, – განაცხადა ევრამ.
შოტლანდიელი სპეციალისტი, “მანჩესტერ იუნაიტედში” 22 წელია მუშაობს და ამ ხნის განმავლობაში, კლუბს 28 ტიტული მოაპოვებინა.
თუმცა, მანჩესტერელებმა ჩემპიონთა ლიგაში მხოლოდ ერთხელ გაიმარჯვეს, როდესაც 1999 წელს, ფინალში, მიუნხენის “ბაიერნი” 2:1 დაამარცხეს.
21 მაისს, მოსკოვში, ფერგიუსონის გუნდი ფინალში ლონდონის “ჩელსის” შეხვდება.

ინგლისური “მანჩესტერ იუნაიტედის” ნახევარმცველმა მაიკლ კერიკმა კლუბთან ახალი, 4-წლიანი ხელშეკრულება გააფორმა.
ამის შესახებ ბრიტანული ინტერნეტ-გამოცემა Metro იტყობინება.
“მაიკლთან ახალი კონტრაქტის გაფორმება ძალიან მახარებს. იგი გუნდისთვის მნიშვნელოვანი ფეხბურთელია და კარგია, რომ “მანჩესტერ იუნაიტედში” კიდევ დიდი ხნის განმავლობაში ითამაშებს” – აცხადებს მანჩესტერელთა თავკაცი ალექს ფერგიუსონი.
გასულ კვირაში “მანჩესტერ იუნაიტედთან” თანამშრომლობის ხელშეკრულება რიო ფერდინანდმაც გაახანგრძლივა. ინგლისის ეროვნული ნაკრების მცველთან ახალი, 5-წლიანი კონტრაქტი გაფორმდა.

ინგლისური “მანჩესტერ იუნაიტედის” ფორვარდი ლუის საა აღიარებს, რომ ზაფხულში, შესაძლოა, ახალი სამუშაო ადგილის მოძიება მოუხდეს.
ამის შესახებ, Sportinglife-ი იტყობინება.
“სამწუხაროდ, ახლა, ჩემი მომავალი ჩემზე არ არის დამოკიდებული. ჩემპიონთა ლიგის ფინალი ჩემთვის, “მანჩესტერ იუნაიტედის” შემადგენლობაში, შესაძლოა, ბოლო მატჩი გამოდგეს, მაგრამ არც იმას გამოვრიცხავ, რომ ამ შეხვედრის შემდეგ, ბევრი რამ საპირისპიროდ შეიცვალოს”, – აცხადებს 29 წლის ფრანგი თავდამსხმელი, რომელიც ინგლისურ გრანდში ოთხი წლის წინ, “ფულჰემიდან” გადავიდა, თუმცა გუნდის შემადგენლობაში ადგილის დამკვიდრება, აქამდე ვერ შეძლო.

წყარო:msofsport.com

ყველამ ნახეთ უმაგრესი ფეხბურთელების ვან პერსის და რუნის შედარებაა..

ეს კი ორ უძლიერეს, ორ ძალიან ტეხნიკურ და სწრაფ ფეხბურთელზე, რონალდოზე და რობინიოზეა ძალიან მაგარი ვიდეო, ყველამ გადაწერეთ

ეს არის ვიდეო ჩეპმპიონთა ლიგის 50 წლიან ისტორიაზე.
შესულია ყველა ფინალის მიმოხილვა კომენტარები იმ მატჩში მონაწილე ფეხბურთელების კომენტარები და ძაან ბევრი სხვა რამე. მოკლედ ვისაც საერთოდ ჩემპიონთა ლიგა აინტერსებს ამ ვიდეოს გამაზვა არ იქნება

ინგლისის “მანჩესტერ იუნაიტედის” უელსელმა შემტევმა ნახევარმცველმა რაიან გიგზმა აღნიშნა, რომ საკუთარი საფეხბურთო კარიერას მხოლოდ ერთადერთ კლუბში – “მანჩესტერ იუნაიტედში” ისურვებდა.
გიგზმა ფიფას ოფიციალურ საიტს ისიც განუცხადა, რომ ფეხბურთელებოს დასრულების შემდეგ, მწვრთნელობაზე იფიქრებს.
“მსურს, რომ საფეხბურთო კარიერა სწორედ “მანჩესტერ იუნაიტედში” დავასრულო. ჯერ საბოლოოდ არ გადამიწყვეტია, თუ რას გავაკეთებ ფეხბურთელობის შემდეგ, თუმცა მწვრთნელობის იდეა ძალიან მიზიდავს. ერთხელ უკვე ვავარჯიშებდი “მანჩესტერის” ბავშვთა გუნდს და ეს საქმიანობა ძალიან მომეწონა” – აღნიშნა გიგზმა.

წყარო:msofsport.com

წლევანდელ ”პრემიერლიგაში” ჩემპიონობისათვის ერთმანეთს რეალურად სამი გუნდი ეცილებოდა ”მანჩესტერ იუნაიტედი”, ”ჩელსი” და ”არსენალი”. საბოლოოდ გამარჯვება ”მანჩესტერელებს” დარჩათ.”პრემიერლიგის” მოგება იოლი არასდროს არავისთვის არ ყოფილა. ამ ჯერზეც ასე მოხდა. ”მანჩესტერის” პირველობა ბოლო ტურში გაირკვა როდესაც ”უიგანი” ანგარიშით 2:0 დაამარცხა. ამ გამარჯვების შემდეგ ”მანჩესტერმა” ზედიზედ მეორე წელს იზეიმა პირველობა.

”მანჩესტერთან” ერთად მისი მთავარი მწვრთნელი ალექს ფერგიუსონი, პრემიერლიგის სეზონის საუკეთესო მწვრთნელად აღიარეს. შოტლანდიელი სპეციალისტი ლიგის მწვრთნელთა ასოციაციამ სცნო საუკეთესოდ და კუთვნილი პრიზი, ინგლისის ეროვნული ნაკრების თავკაცმა, ფაბიო კაპელომ გადასცა.

ალექს ფერგიუსონისთვის, ახლახან დასრულებული სეზონი, “მანჩესტერ იუნაიტედის” სათავეში 22-ე იყო და ამ დროის განმავლობაში, მან გუნდს მეათედ მოაპოვებინა ინგლისის ჩემპიონის ტიტული.

ფერგიუსონს, ლიგის მწვრთნელთა ასოციაციის პრიზი აქამდეც მიუღია, ეს 1999 წელს მოხდა, როცა მან, გუნდთან ერთად, ინგლისის ჩემპიონის ტიტული, ქვეყნის თასი და ჩემპიონთა ლიგა მოიგო.

მანჩესტერელებს ამ საზეიმო მომენტს მხოლოდ ერთი შემთხვევა უშხამავს. მეკარე ტომაშ კუშჩაკისა და მცველ ხერარდ პიკეს გარდა მთელი გუნდი დაჯილდოვდა, რომლებმაც “ოქრო” პრემიერლიგის რეგლამენტის თანახმად, ვერ მიიღეს.

აღსანიშნავია, რომ ინგლისში ოქროს მედლებს მხოლოდ იმ ფეხბურთელებს აძლევენ, რომელთაც პრემიერ ... წაიკითხე სრულად