მოსკოვში ჩემპიონთა ლიგის ორგანიზატორები მოელაპარაკნენ რუსეთის საგარეო საქმეთა სამინისტროს იმის შესახებ, რომ ბრიტანეთის იმ მოქალაქეებს, რომლებსაც ლიგის ფინალის ბილეთები აქვთ მოსკოვში უვიზოდ ჩამოსვლა შეძლონ. ამის შესახებ Reuters–ი იუწყება. შეგახსენებთ, რომ 21 მაისს ჩემპიონთა ლიგის გამარჯვებისათვის ორი ინგლისური კლუბი იბრძოლებს: “მანჩესტერ იუნაიტედი” და “ჩელსი”. ამასთან დაკავშირებით მოსალოდნელია, რომ თამაშს ათი ათასობით ბრიტანელი გულშემატკივარი დაესწრება. “რუსულმა მთავრობამ უპრეცედენტო გადაწყვეტილება მიიღო, – განაცხადა მატჩის კოორდინატორმა ალეკსეი სოროკინმა. – ვიზის ნაცვლად გულშემატკივრებმა მხოლოდ ჩემპიონთა ლიგის ბილეთები უნდა წარადგინონ”.
