ინგლისის “მანჩესტერ იუნაიტედის” პორტუგალიელმა ნახევარმცველმა ნანიმ, პრემიერლიგის 37-ე ტურში “ვესტ ჰემთან” მატჩში მიღებული წითელი ბარათის გამო, თანაგუნდელებს ბოდიში მოუხადა. ამის შესახებ, სააგენტო AFP იუწყება. “მართლაც დაუფიქრებლად მოვიქეცი. მინდა ვთქვა, რომ მეტოქემ პროვოკაცია მომიწყო, რათა მეუხეშა. ვიცი, რომ ეს, გასასამართლებელ საბუთად არ გამოდგება, მაგრამ ყოველივე სწორედ ასე მოხდა. სამწუხაროა, რაც გავაკეთე, მაგრამ მიხარია, რომ ჩემმა თანაგუნდელებმა მატჩი გამარჯვებამდე მიიყვანეს”, – განაცხადა ნანიმ. პორტუგალიელმა, წითელი ბარათი პირველ ტაიმში, მეტოქის მცველ ლუკას ნეილთან უხეშობის გამო მიიღო. სააგენტოს ცნობით, ნანის სამმატჩიანი დისკვალიფიკაცია ელის, რაც, თავისთავად, იმის მაუწყებელია, რომ პრემიერლგის ბოლო ტურის მატჩს “უიგანის” წინააღმდეგ, ის ვერ ითამაშებს.