ინგლისის “მანჩესტერ იუნაიტედის” შემტევი ნახევარმცველი კრიშტიანუ რონალდუ, კლუბში საკუთარ მომავალს, 21 მაისს, მოსკოვში დანიშნული ჩემპიონთა ლიგის ფინალში ლონდონის “ჩელსისთან” შეხვედრის შემდეგ გაარკვევს.
ამის შესახებ, ბრიტანული გამოცემა Daily Telegraph-ი იუწყება.
“აქ ყოფნით ბედნიერი ვარ, მაგრამ მოდით, ჩემპიონთა ლიგის ფინალს დაველოდოთ. ჯერჯერობით, წყნარად ვარ, მაგრამ საკუთარი მომავლის შესახებ კონკრეტულს ვერაფერს გეტყვით. რაც შეეხება ჩემს მიმართ “რეალის” ინტერესს, არაერთხელ მითქვამს, რომ ესპანეთში თამაში მსურს. თუმცა, ერთია მხოლოდ საუბარი, ხოლო მეორე - რეალობა. ვიცი, რომ “რეალის” გარდა, კიდევ სხვა ესპანურ გუნდებს სურთ თავის რიგებში მიხილონ, რაც ძალიან მსიამოვნებს. თუმცა, ამჟამად, მანჩესტერში ყველაფერი მაკმაყოფილებს” - განაცხადა რონალდუმ.
