ინგლისის საფეხბურთო ნაკრებისა და "მანჩესტერ იუნაიტედის" თავდამსხმელი უეინ რუნი ითამაშებს ჩემპიონთა ლიგის ფინალში ლონდონის "ჩელსის" წინააღმდეგ. ამ ინფორმაციას უკვე ექიმებზე დაყრდნობით მთავარი მწვრთნელი სერ ალექს ფერგიუსონი ავრცელებს. გთავაზობთ მის განცხადებას ამ საკითხთან დაკავშირებით:
"მე ვარ დარწმუნებული იმაში, რომ რუნი ითამაშებს ფინალში. იგი იქნება უეჭველად მთელი დატვირთვით მზად სათამაშოდ "ჩელსისთან" მოსკოვში."
შეგახსენებთ, რომ ფორვარდმა ტრამვა ერთი თვის წინ მიიღო და გამოტოვა უმნიშვნელოვანესი მატჩები პრემიერლიგაში და ჩემპიონთა ლიგის ნახევარფინალური ეტაპის განმეორებითი თამაში ესპანური "ბარსელონას" წინააღმდეგ.
