ინგლისის ფეხბურთელთა ეროვნული ნაკრების მთავარი მწვრთნელი ფაბიო კაპელო მზად არის, “მანჩესტერ იუნაიტედის” ნახევარმცველ პოლ სქოულზსა და “ლივერპულის” მცველ ჯიმი კარაგერს შეხვდეს და ეროვნულ გუნდში დაბრუნება შესთავაზოს.
ამის შესახებ ბრიტანული გამოცემა The People იტყობინება.
“არიან ფეხბურთელები, რომლებმაც სანაკრებო კარიერა დასრულებულად გამოაცხადეს, მაგალითად, პოლ სქოულზი და ჯიმი კარაგერი. თუმცა, ისინი უმაღლესი დონის მოთამაშეები არიან და მაღალ დონეზე თამაშს განაგრძობენ, ამიტომ მათთვის ნაკრების კარი ღიაა. თამაშს ვერავის დააძალებ. მთავარია, ფეხბურთელს ეროვნული გუნდის მაისურის მორგება და მისი სახელით ბრძოლა სიამოვნებდეს” - აცხადებს კაპელო.
33 წლის პოლ სქოულზს ინგლისის ეროვნული ნაკრების შემადგენლობაში 66 მატჩი აქვს ჩატარებული, სანაკრებო კარიერის დასრულება კი 2004 წელს გადაწყვიტა, ხოლო 30 წლის ჯიმი კარაგერმა ნაკრებში თამაშზე უარი გასულ წელს თქვა. კარაგერს ეროვნული გუნდის ღირსება 34 მატჩში დაუცავს.

წყარო:msofsport.com