დასრულდა ამ საფეხბურთო სეზონის კულმინაციური მატჩი. თამაში უაღრესად დრამატული აღმოჩნდა და საქმე პენლების სერიამდეც მივიდა. თამაშის პირველი ნახევარი ძალიან საინტერესოდ განვითარდა. მანჩესტერ იუნაიტედმა თავიდანვე მოიპოვა პოზიციური უპირატესობა და მოედნის ცენტრში კარგად ააწყო თამაში. გაფრთხილებების რაოდენობიდან (დაფიქსირდა 4 გაფრთხილება: მაკელელე, სქოულზი, ფერდინანდი, კარვალიო) კარგად ჩანს, რომ ფეხბურთელები თავდაუზოგავად იბრძოდნენ. 26 წუთზე მანჩესტერმა გააზრებული შეტევა წამოიწყო, ჰარგრივზისა და პოლ სკოულზის კარგმა თამაშმა, ჩელსის საჯარიმოში ჩაწოდება გამოიწვია, რომელიც ესიენის შეცდომითა და კრისტიანუ რონალდუს გოლით დასრულდა, 1-0. ჩელსიმ იმედი არ დაკარგა და ფაქტიურად განწირული ტაიმი ფრედ აქცია, ფრენკ ლამპარდმა ანგარიში 45 წუთზე გაათანაბრა. მეორე ტაიმი პირველისგან სრულიად განსხვავებული იყო. ალბათ აბრაამ გრანტმა გასახდელში ფეხბურთელები ძალიან კარგად მოამზადა ფფსიქოლოგიურად და ამან შედეგიც გამოიღო. ჩელსი შეუჩერებლად უტევდა, მანჩესტერი კი მხოლოდ თავს იცავდა. იყო მომენტი, რომელსაც შეეძლო თამაშის ბედი გადაეწყვიტა. დროგბამ ბურთი ერთი შეხებით მიიღო, გაისწორა, დაარტყა და... !!! ბურთი ვან დერ საარის კარის ძელს მოხვდა. ასევეჰქონდა შანსი ლამპარდსაც, რომელის დარტყმა ისევ ძელს მოხვდა !!! დასრულდა მატჩის ძირითადი დრო. პირველ დამატებით ტაიმში საინტერესო ფაქტიურად არაფერი მომხდარა. ჩანდა, რომ არცერთი გუნდი არ აპირებდა გარისკვას, რადგან ერთ შეცდომას შეეძლო თამაშის ბედი გადაეწყვიტა. აი მეორე ტაიმში კი ნამდვილი არასაფეხბურთო ფაქტი მოხდა. 111 წუთზე ფეხბურთელებს შორის ჩხუბი ატყდა, სადაც მთავარი როლის შემსრულებლები დროგბა, ვიდიჩი და ტევესი იყვნენ. დროგბამ ვიდიჩს ბავშვურად ხელი სახეში გაარტყა, რაც მსაჯს შეუმჩნევლად არ დარჩენია და კოტდივუარელი მოედნინად გააძევა. სხვა მონაწილეები კი მსაჯმა ყვითლებით დაასაჩუქრა. ასე ჩაიარა ორმა დამატებითმა ტაიმმა. დადგა დრო საფეხბურთო ლატარეისა სადაც ყველაფერი გამართლებაზეა დამოკიდებული. ფეხბურთელები დარტყმებს კარგად ასრულებდნენ, სანამ ჩეხს კრისტიანო რონალდო დაუპირისპირდა და მასთან დუელი წააგო. ლონდონელებს ეს შანსი აუცილებლად უნდა გამოეყენებინათ და ასეც იქცეოდნენ მაგრამ... გადამწყვეტი დარტყმა... ტერი ემზადება... გამორბენა... დარტყმა... და... ატირებული ლონდონელები. ლეგენდარულ კაპიტანს მოედანზე ფეხი დაუცდა და ბურთი კარს აცდა. ახლა ყველაფერი ფსიქოლოგიაზე იყო დამოკიდებული და რა თქმა უნდა ლონდონელების მდგომარეობა ამ კომპონენტში სახარბიელო ნამდვილად არ იყო. ჩელსის ახალწვეულმა, რომელმაც ჩემპიონთა ლიგაში მხოლოდ მეოთხეჯერ ითამაშა ლურჯი მაისურით ბოლო პენალი გააფუჭა !!! მანჩესტერი ჩემპიონიაა !!!